0
Shares
सिनेसुत्र, बिराटनगर- राजेन्द्र बस्नेतको निर्देशनमा बनेको सिनेमा ‘प्रेम गीता’ को टिजर रिलिज भएको छ। निर्माण पक्षले सिनेमाको १ मिनेट ११ सेकेण्डको टिजर ओएसआरको युट्युब च्यानलमार्फत रिलिज गरेको हो। टिजरमा सिनेमाका मुख्य कलाकार जाहान्वी बस्नेत, साजिद खान, सुशिल पोखरेल लगायतलाई देख्न सकिन्छ। साथै टिजरमार्फत यो सिनेमा लभ स्टोरी, बिछोड र एक्सन पाउन सकिन्छ।
समसायिक कथामा आधारित सिनेमाको टिजरले केही कथा रहस्य उजागर गर्ने प्रयास गरेको छ। यो सिनेमा प्रेमपछिको विछोडको कुरालाई उठाउन खोजेको हो कि भन्ने बुझ्न सकिन्छ । ग्रीन प्यारोटस् फिल्म प्रोडक्सन प्रालिको ब्यानरमा निर्माण भएको यस सिनेमामा सुशील पोखरेल, जाहन्वी बस्नेत, साजिद खान, आशा पौडेल, अर्जुन गुरुङ (भँगेरी डन), दीपक केसी, खुश्बु पाण्डे, माधव केसी, मानसी शर्मा, दीपशन लिम्बु, मौसम खड्का, र ममता माझीको अभिनय रहेको छ ।
साजिद खान प्रस्तुतकर्ता रहेको सिनेमामा अयाज अलि खान निर्माता छन्। विनयराज पौडेल मुख्य सहायक निर्देशक रहेको सिनेमामा मौनता श्रेष्ठको लेखन, रामेश्वर हुँमागाईको छायांकन, भरत बस्नेतको संगीत, राजु किराँतको द्वन्द्व, र रामजी लामिछानेको कोरियोग्राफी रहेको छ ।
निर्देशक बस्नेतले यसै सिनेमा मार्फत निर्देशनमा डेब्यु गर्न लागेका हुन् भने सिनेमा माघ २३ गते बाट प्रदर्शनमा आउँदै छ। टिजर हेर्नुहोस : 
