‘मितज्यू’को पहिलो गीत ‘गैराघरे काँइली’ सार्वजनिक : सौगात र तेरियाको नृत्य

सिनेसुत्र, बिराटनगर- आगामी जेठ ८ गतेबाट प्रदर्शनमा आउने सिनेमा ‘मितज्यू’मा समावेश गीत ‘गैराघरे काँइली’ सार्वजनिक भएको छ। निर्माण टिमले आइतबार सिनेमाको पहिलो गीत सार्वजनिक गरेको हो। सार्वजनिक गीतमा सिनेमाका मुख्य तीन कलाकार दयाहाङ राई, सौगात मल्ल र तेरिया फौजा मगरले छमछमी नाचेका छन्। लोकलयमा आधारित यस गीतमा तीनै जनाको नाचलाई असाध्यै सुहाएको देख्न सकिन्छ।

श्रीकृष्ण बम मल्ल र मेलिना राईले गाएको यस गीतमा शब्द र संगीत पनि गायक मल्लकै रहेको छ। गीतको एरेन्ज श्याम श्वेत रसाइलीले गरेका हुन्। यस गीतको कोरियोग्राफी भने मिङ्मा डि लेप्चा हुन्। उनको कोरियोग्राफी र कलाकारको नाचलाई दर्शकले अत्यधिक मन पराएको पाउन सकिन्छ।  बिराटनगरमा सिनेमा हेर्न टिकट बुकिंग गर्न यहाँ तल थिच्नुहोस –निर्माण पक्षले यो गीतलाई स्रोता तथा दर्शकले अत्यधिक मन पराउने विश्वास लिएका छन्। सिनेमाका निर्माता जनक घर्ती मगरले सिनेमाको कथा अनुसार नै गीत राखेको बताए। उनले भने, ‘सिनेमाको कथाले जुन गीत मागेको थियो, सोही राखेका छौँ। यसमा हामीले कुनै कम्प्रमाइज गरेका छैनौँ। स्रोता तथा दर्शकले पनि यो गीतलाई मन पराइदिनु हुन्छ भन्नेमा म विश्वास छु। र मेरो टिम पनि।

ग्रामीण परिवेश र पहाडी पृष्ठभूमिको सामाजिक कथामा बुनिएको यो सिनेमा अनिल बुढा मगरले निर्देशन गरेका हुन्। यस सिनेमामा लगानी जनक घर्ती मगरले गरेका छन्। सिनेमामा दयाहाङ राई, सौगात मल्ल, तेरिया फौजा मगर, पुस्कर गुरुङ, शिशिर वाङ्देल, राज थापा, सुवर्ण थापा, अनु थापा, स्मिता लामिछाने, अरुण पुन मगर, उत्तम राज पाण्डे, सविन कट्टेल, उमेश सोनाम, पवित्रा खड्का, चाहाना राना मगर, अनुशा राई, खड्गबहादुर पुन मगर (खबपु) लगायतको अभिनय रहनेछ। तेरिया मगरको यो डेब्यु सिनेमा हो।जीएम मुभिज प्रोडक्सनको ब्यानरमा निर्माण भएको यो सिनेमाको सम्पादक लोकेश बज्राचार्य र छायाँकार शिशिर बिशंखे हुन्। सिनेमाको मुख्य सहायक निर्देशकको जिम्मा फिरोज खड्काको छ। सहायक निर्देशकमा अनिल दाहाल, सञ्जु नेपाली र एल्मिना राई रहेका छन्। प्रोडक्सन डिजाइनर किशोर नेपाल, ड्रेस डिजाइनर संगीता रोका मगर र प्रतीक्षा भाट क्षेत्री हुन्।

सिनेमाको द्वन्द्व निर्देशन प्रभात विष्ट र साउन्ड डिजाइनर नवीन श्रेष्ठ हुन्। साथै सिनेमाका गीतमा संगीत श्रीकृष्ण बम मल्लले दिएका छन् भने सिनेमाका गीतमा संगीतकार मल्ल, मेलिना राई र लक्ष्मी मल्लले गाएका छन्। आरआर फिल्म्स वितरक रहेको यो सिनेमाको डिजिटल अधिकार ओएसआरले खरिद गरेको छ। भिडियो हेर्नुहोस :