‘माया प्रीति’मा आशीर्वाद क्षेत्री र दिव्या रायमाझीको बाधियो जोडी

सिनेसुत्र, बिराटनगर- निर्माणको चरणमा रहेको नेपाली सिनेमा ‘माया प्रीति’ मा अभिनेता आशीर्वाद क्षेत्रीको पनि अभिनय रहने निर्माण टिमले जनाएको छ। यो सिनेमामा आशीर्वादको साथमा अभिनेत्री दिव्या रायमाझी प्रमुख भूमिका रहने निर्देशक अभि श्रेष्ठले पुष्टि गरेका छन्।केही समयदेखि कार्यशालामा रहेको यो सिनेमा वन टु थ्री स्टुडियोज प्रा.लि. को ब्यानरमा निर्माण हुँदैछ। छायाङ्कनका लागि तयारीको अन्तिम चरणमा रहेको यस सिनेमा‌को छायाङ्कन निर्देशन श्याम तामाङले गर्नेछन्।

एक समयको चर्चित टेलिभिजन शो ‘प्ले इट अन’ का समूहद्वारा निर्माण हुन लागेको ‘माया प्रीति’ लाई प्राविधिक, क्रियटिभ र व्यवस्थापनमा अनुभव भएका टिमले निर्माण गरिरहेको हुँदा यसलाई एक प्रतीक्षित सिनेमाको रूपमा हेरिएको छ।