गणतन्त्रको कथा बोकेको सिनेमा ‘जनक्रान्ति’को पोस्टर प्रचण्डद्वारा सार्वजनिक

सिनेसुत्र, बिराटनगर- गणतन्त्र स्थापनाका लागी भएको आन्दोलनको घटनामा आधारित नेपाली कथानक सिनेमा जनक्रान्ति निर्माण गरिने भएको छ । शनिवार उक्त सिनेमाको पहिलो पोष्टर गणतन्त्र नेपालका प्रथम प्रधानमन्त्री पुष्प कमल दाहाल प्रचण्डले सार्वजनिक गरेका छन् ।

पोष्टर सार्वजनिक पछि बोल्दै प्रचण्डले सिनेमा युवा पुस्ता लाई गणतन्त्र स्थापनाका लागी भएको सघर्ष र गणतन्त्र स्थापना अधिको सामाजिक , राजनैतिक , आर्थिक अवस्था वारे जानकारी दिन र लिन सहयोगी हुने बिस्वास व्यक्त गरे ।हिजोको समाजको अवस्था बारे युवा पुस्ता लाई जानकारी दिन आवश्यक रहेको उनको भनाई थियो । रुद्राक्ष फिल्स प्रा.लि.को व्यानरमा निर्माण हुन लागेको नेपाली कथानक सिनेमा जनक्रान्तिको निर्देशन उपेन्द्र तिमिल्सिनाले गर्नेछन । भाद्र दोस्रो साता देखी सिनेमाको छायाकन सुरु गरिने निर्माण पक्षले बताएको छ ।

जनकान्तिको प्रर्दशनको मिति फागुन १ का लागी तय गरिएको निर्माता रुद्र प्रसाद खनालले जानकारी दिए । सिनेमामा गणतन्त्र स्थापनाका लागी भएका बिभिन्न आन्दोलनहरुको पृष्ठभुमिको कथा समेटिएको निर्देशक तिमिल्सिनाले बताए ।सत्य घटनामा आधारीत हुने सिनेमा नयाँ पुस्ताका युवाहरुका लागी नेपालको राजनैतिक घटनाक्रम बुझ्न सहज हुने निर्माण पक्षले बताएको छ । सिनेमाको छायाँकन पश्चिम नेपालको रुकुम, रोल्पा, जाजरकोट, जुम्ला, कालिकोट, बाँके, बर्दिया र पुर्बि नेपालको धनकुटा, खोटाग, भोजपुर तथा तराई मधेशको सर्लाही मा गरिने छ ।