जानकी पन्त जुनको निर्देशनमा नयाँ सिनेमा ‘कुमुदे हिड्यो हिरो बन्न’ निर्माण घोषणा

सिनेसुत्र, बिराटनगर- नेपाली कथान सिनेमा “कुमुदे हिड्यो हिरो बन्न” निर्माण हुने भएको छ । शाहीत्यकार तथा गीतकार जानकी पन्त जुनको डेब्यु निर्देशन रहने यस सिनेमामा एउटा पात्र जो जिन्दगीमा हरेक कुरामा हिरो बन्न चाहन्छ, उसैको कथामा सिनेमा रहने निर्माण पक्षले जानकारी दिएको छ ।

कुमुद इन्टरटेन्टमेन्टको ब्यानरमा निर्माण हुने यस सिनेमाका निर्माता हुन् बिष्णु पन्त शर्मा आचार्य तथा सह–निर्माता चक्र बहादुर बराल रहेका छन् । सिनेमामा कार्यकारी निर्माता भने रंग पत्रकार एवम् रेडियो प्रस्तोता भोला सुबेदी (आरजे प्रणव) रहेका छन् । नेपालको दाङ, पोखरा र काठमाण्डौको स्थानमा छायांकन गरिने यस सिनेमाका केही दृश्य भने बेलायतमा छायांकन हुने निर्माण पक्षले जनाएको छ । बायोपिक र सत्यकथामा आधारित रहेर सिनेमा निर्माण गर्न लागेको बताए निर्देशक जानकी पन्त जुनले ।

आगामी सोमबारबाट दाङको घोराहीबाट सिनेमाको मुहुर्त गरेर छायांकन सुरु गर्दै करिब २० दिनको छायांकन पश्चात बाँकी छायांकनका लागि तिहार लगत्तै बेलायत जाने बताए सिनेमाका निर्माता बिष्णु पन्त शर्मा आचार्यले ।सिनेमामा कुमुदेको पात्र भने अभिनेता कुमुद पन्तले निर्वाह गर्ने बताएको निर्माण टिमले सिनेमाको अर्का प्रमुख कलाकार नायिकाको भने नाम अहिलेलाई गोप्य राखेको छ । सिनेमामा दुई नायिका हुने बताए निर्देशक पन्तले । महिला द्वन्द निर्देशक किरण दाहालको द्वन्द, बिपिन आचार्य र ओम सुनारको संगीत र सन्देश शाहको सम्पादन रहने यस सिनेमाको प्रदर्शन मिति भने २०८३ साल तोकिएको छ ।