0
Shares
सिनेसुत्र, बिराटनगर- बडादसैँको फूलपातीमा रिलिज हुने नेपाली सिनेमा ‘बलिदान’ को ट्रेलरले युट्युबमा तहल्का मच्चाएको छ। सार्वजनिक भएको केही घण्टामै यो नेपालको युट्युब ट्रेन्डिङको शीर्ष स्थानमा पुगेको छ। साथै, नेपालीको बसोबास भएका अन्य मुलुकहरूमा पनि यसले ट्रेन्डिङमा आफ्नो स्थान बनाएको छ।
धेरै समयदेखि चर्चामा रहेको सिनेमा ‘बलिदान’ को ट्रेलर शुक्रवार सार्वजनिक भएसँगै दर्शकमाझ यसले थप उत्सुकता जागेको छ। ट्रेलरमा समावेश शक्तिशाली संवाद, तीव्र एक्सन दृश्य र भावनात्मक प्रस्तुतिले धेरै दर्शकको मन जितेको देखिन्छ। विशेष गरी, समीर भट्ट, ऋचा शर्मा, सौगात मल्ल र अर्पण थापाको फरक अवतार र अभिनयले ट्रेलरलाई आकर्षक बनाएको छ।
ट्रेलरको भावनात्मक सुरुवातदेखि समीर भट्टको शक्तिशाली संवाद र एक्सनले दर्शकलाई बाँधेर राख्छ। यसमा सौगात मल्ल र समीरबीचको द्वन्द्व अनि अन्य पात्रहरूको प्रस्तुतिले सिनेमाको कथावस्तु झन् रोमाञ्चक हुने देखाएको छ। छायाङ्कन, संवाद र ब्याकराउन्ड स्कोरको उत्कृष्ट संयोजनले ट्रेलरलाई उच्चस्तरको बनाएको छ।
सिनेमाका निर्देशक सन्तोष सेनले ‘बलिदान’ लाई केवल सिनेमा नभई हरेक नेपालीको विद्रोहको प्रतीक भनेर बताउनुभएको छ, जसले गर्दा यो सिनेमा नेपाली दर्शकका लागि अझ विशेष बनेको छ। यसको शीर्षक गीत ‘यो ज्यान बलिदान’ पनि पहिले नै चर्चामा आइसकेको छ। ट्रेलर हेर्नुहोस :
