सम्पन्न भयो ‘कुमुदे हिड्यो हिरो बन्न’को छायांकन

सिनेसुत्र, बिराटनगर- सपना देख्ने आँट, चुनौतीलाई अवसरमा रूपान्तरण गर्ने हिम्मत, र आफ्नो क्षमतामा अटूट विश्वास र आफूभित्र लुकेको ‘हिरो’ खोज्ने विश्वास — यही हो सिनेमा को कथा । यात्रा केवल सिनेमा निर्माणको होइन एक सपना, एक संघर्ष, र आत्म अभिव्यक्तिको धरोहर हो ” भन्नुहुन्छ निर्देशक जानकी पन्त जुन ।नेपाली कथानक सिनेमा “कुमुदे हिड्यो हिरो बन्न” करिब २८ दिनको दाङ र काठमाण्डौको छायांकन सकेर सम्पादन कार्यमा जुटेको छ । बुधबार सम्पादक सन्देश शाहलाई सिनेमा को सम्पादकको रुपमा सम्झौता गर्दै सम्पादन सुरु गरिएको छ । शाहित्यकार तथा गीतकार जानकी पन्त जुनको डेब्यु निर्देशनमा बनेको यस सिनेमा लाई सम्पादक सन्देश शाहले सम्पादन गर्नेछन् ।

सिनेमा मा कुमुद पन्त प्रमुख अभिनेताको रुपमा देखिएकाछन् भने उनलाई अभिनेत्रीमा रिचा थापा र रबिना परियारले साथ दिएका छन् । सिनेमा मा प्रमुख कलाकारहरुमा बिष्णु पन्त, रवि गिरी, दिनेश कुँवर, शंकर राज पहाडी, पिताम्बर रिजाल , सचिन भुसाल, रबिन बराइली, किरण मगर पुन, सरस्वती बी .क लगायतकाको अभिनय रहेको छ । सिनेमा मा बाल कलाकार प्रयुश दत्त सुवेदीले प्रमुख बाल कलाकार “कुमुदे”को भूमिका निभाएका छन् भने उनलाई साथ दिएका छन् बालकलाकारहरु काव्यरस रिजाल, युनिश घिमिरे, युनिका खत्री लगायतकाले ।सिनेमा कुमुद इन्टरटेन्टमेन्टको ब्यानरमा निर्माता बिष्णु पन्त शर्मा आचार्यले निर्माण गर्न लागेकी हुन् । चक्र बहादुर बराल सह-निर्माताको रुपमा रहेको यस सिनेमा का कार्यकारी निर्माता रंग पत्रकार एवम् रेडियो प्रस्तोता भोला सुबेदी (आर्जे प्रणव) रहेका छन् । यस अघि पनि सिनेमा “ज्ञान शास्त्र” निर्माण गरेका संचारकर्मी एवम रंग पत्रकार भोला सुवेदी (आर्जे प्रणव ) भन्नुहुन्छ , पहिला शिक्षा क्षेत्र संग सम्बन्धि सिनेमा निर्माण गरे “ज्ञान शास्त्र” अब अहिले मैले मेरो रंग पत्रकारितामा पाएको अनुभब समेटेर हिरो बन्न हिंडेको एक युवाको वास्तविक कथामा सिनेमा निर्माण गरेको छु , एउटा सफल अभिनेताले जीवनकलामा हिरो बन्न हिडेको संघर्षको कथा नै मेरो सिनेमा को मुटु हो , जुन मैले मेरो वास्तविक जीवनमा नायक एवम नायिकाहरु संगको अन्तरबार्ताबाट पनि केहि सुनेको थिए त्यहि सिनेमा को पर्दामा देखाउने कोसिस गरेको छु ” कार्यकारी निर्माता भोला सुबेदि भन्नु हुन्छ ।सिनेमा को छायांकन नेपालका रमणीय स्थान दाङ, पोखरा र काठमाडौंमा भएको छ । निर्देशक जानकी पन्त जुनका अनुसार सिनेमा “बायोपिक र सत्यकथा” मा आधारित छ, जसले नेपाली सिनेमा मा नयाँपन र वास्तविकताको स्वाद दिनेछ । दाङको एउटा युवाको कथा भएकोले हामीले यो सिनेमा पहिला दाङमा बिशेष शो गरेर मात्र सार्वजनिक प्रदर्शन गर्नेछौ ” निर्देशक जानकी पन्तले भन्नु भयो ।

सिनेमा मा महिला द्वन्द निर्देशक किरण दाहालको रोचक द्वन्द, बिपिन आचार्य र ओम सुनारको संगीत, तथा सन्देश शाहको सम्पादन रहको छ । उत्तम प्रसाद अधिकारीको असोसिएट् निर्देशन रहको यस सिनेमा को प्रदर्शन मिति भने आगामी २०८३ साल तोकिएको छ। यस सिनेमा ले नेपाली सिनेमा क्षेत्रमा नयाँ कथा–विधान, वास्तविकता र प्रेरणादायी यात्रा प्रस्तुत गर्ने विश्वास निर्माण पक्षले लिएको छ ।