अशोक दर्जीको रोदन : ‘मन बिनाको धन’को नयाँ पोस्टर सार्वजनिक

सिनेसुत्र, बिराटनगर- असोज ३१ शुक्रबार बिहान निर्देशक टंक बुढाथोकीले आफ्नो सिनेमा ‘मन बिनाको धन’ को नयाँ पोस्टर सार्वजनिक गरेका छन्। सिनेमाको सार्वजनिक पोस्टरमा मुख्य कलाकारहरू अशोक दर्जी, सरोज खनाल, नीता ढुंगाना, रमेश विश्वकर्मा, भोला सापकोटा, बुद्दि तामाङ र रवीन्द्र झालाई देख्न सकिन्छ। यसअघि सार्वजनिक भएको सिनेमाको पोस्टरमा अशोक दर्जीलाई मात्र प्रस्तुत गरिएको थियो।टंक बुढाथोकीको निर्माण तथा निर्देशनमा तयार भएको सिनेमा ‘मन बिनाको धन’ सामाजिक विषयवस्तुमा निर्माण भएको हो। सिनेमाको कथा टंक बुढाथोकी आफैले लेखेका हुन् भने पटकथा र संवाद शिवम अधिकारीले लेखेका हुन्।कात्तिक २१ गतेबाट प्रदर्शनमा आउन लागेको सिनेमा ‘मन बिनाको धन’ मा निर्माता बिष्णु माया मैनाली रहेकी छिन् भने कार्यकारी निर्मातामा सपना शर्मा रहेकी छिन्। यस्तै जी.पी संग्रोला, बिबेक नेपाल र बिजया पाण्डे सहनिर्मातामा रहेका छन्।अशोक दर्जीले आफ्नो पहिलो गीत ‘मन बिनाको धन ठुलो कि धन बिनाको मन’ मार्फत आफ्नो जीवन नै परिवर्तन गरेका छन्। गीतमा टंक बुढाथोकीको संगीत रहेको छ। दर्जी हाल काठमाडौंमा कक्षा ९ मा अध्ययनरत छन्। सिनेमामा अशोक दर्जीसँगै सरोज खनाल, सन्तोष पन्त, रमा थपलिया, नीता ढुंगाना, भोला सापकोटा, बुद्दि तामाङ, रमेश विश्वकर्मा, रवीन्द्र झा, पार्वती अधिकारी, उत्सव सापकोटा, ए.आर. बुढाथोकी, शंकर श्रेष्ठ, साम्राज्ञी थापा, बिना राउत, बाबु पराजुली, रक्षा श्रेष्ठ, प्रियंका झा, विनय अधिकारी, आर्यन पोखरेल, विजय डंगोल लगायतका कलाकारहरूको अभिनय रहेको छ।

सिनेमामा टंक बुढाथोकीको संगीत, सौरभ लामाको छायांकन, कविराज गहतराज र रामजी लामिछानेको कोरियोग्राफी, मित्र डी. गुरुङको सम्पादन र नवराज शर्माको मुख्य सहायक निर्देशन रहेको छ। सिनेमालाई एप्पल इन्टरटेन्मेन्ट, रीच इन्टरटेन्मेन्ट र एफडी कम्पनीले वितरण गर्दैछन्।